⏱وقت التحضيرساعتين
♨عدد الوجبات8 حصص
★درجة الصعوبةمتوسطة
المهلبية بالقهوة
المقادير
- المكونات للمهلبية:
- نص ليتر كريمة خفق 42% أو 38%
- 1 ليتر حليب
- 25 ملل ماء الزهر
- 25 ملل ماء الورد
- 100 غرام سكر
- 150 غرام نشاء
- مكونات سيروب القهوة:
- 100 غرام قهوة الحسن العربية مع هيل
- 60 غرام سكر
- 7 غرام نشاء (ملعقة صغيرة)
- 250 ملم ماء
- ملعقة ڤانيلا سائلة/ كيس سكر ڤانيل
طريقة التحضير
- بقدر، نسكب الكريمة مع نص كمية الحليب والسكر ونخلط لحد الغليان، بوعاء عجنب منسكب كمية الحليب المتبقية ومنضيف النشاء, ماء الورد وماء الزهر ومنخلطهن منيح لحد ما يصير مزيج متجانس بدون كتل, ومنضيفهن ع المزيج الي ع النار ومنخلط لحد ما نحصل على قوام متماسك وجامد.
- منطفي النار ومنسكب المزيج بكاسات ومنخليهن ع جنب يبردوا, وبنبدأ بتحضير سيروب القهوة.
- نضع كمية القهوة والمي بطنجرة ع النار وبنتركها تغلي, وبعد ما تغلي منصفيها (مفضل عن طريق قطعة قماش) وبعدها بنرجع المزيج ع النار وبنضيف السكر والفانيلا والنشاء (مفضل نحّل النشاء بمي) ومنخلط لحد ما يتماسك المزيج, منطفي النار ومنسكب المزيج السخن ع المهلبية ومنخليها تبرد لمدة ساعة لحد ما تصير جاهزة للتقديم